分頁: 3/81 第一頁 上頁 1 2 3 4 5 6 7 8 9 10 下頁 最後頁 [ 顯示模式: 摘要 | 清單 ]
第三日, 係我最期待的 “沙漠” 呀
今日又係超早呀, 早過昨天, 5:45…. Morning call~
我要5:15, 因為我攪掂就叫SAM, 咁就唔使咁趕啦
今晚要轉酒店, 昨晚已PACK好, 只係收立雜野就OK
今日7:45就要上車出發啦,

今日行程有兩個, 第一站是~美岱召, 第二站是~庫布其沙漠
由酒店去美岱召, 大約2小時
美岱召是中國重點保護之一, 我地無入寺內參觀, 因為被出面的桃子花吸引, 掛住影相, 其他團友當然有去參觀啦~參觀完畢
再坐2.5小時去响沙灣~沙漠呀~

去沙漠途中, 我地會經過黃河其中一小段的, 我未見過黃河, 我好想睇下, 所以無乜點瞓, 真乖~
過左個零鐘就見到了, 真係… 黃泥水的河呀, 不過第一次見都好開心的
睇完咪瞓囉~
瞓下睇下, 就到沙漠了, YEAH~ 原來去沙漠要回鄉證登記, 好嚴格
好~正式出發, 啊~講番先, 我地個團係沙漠全包的,
首先我地會坐吊車入去沙漠
之後, 穿上祙套, 大家都超興奮, 未穿好祙套就踏沙, 導遊都怕左我地, 叫我地快D著, 唔係一陣成鞋都係沙, 嘻~
穿好後, 大家都不停踏沙, 成圍影相, 超HIGH呀, 沿住木板路我地去第二個活動
坐沙漠衝浪車, 係高低不平的沙漠片車(其實係越野車改到好似海賊王船咁), 但都唔刺激….
我地坐呢個車去睇 蒙古婚宴表演, 會場入面冷氣好舒服, 導遊叫我地坐頭三行會舒服D, 所以我地好乘, 開場表演有DD悶(對我地黎講)睇左3PART, SAM想去洗手間, 所以我地出左黎
去完廁所, 食下煙, 玩下沙, 表演完畢, 等齊團友就行去~騎駱駝~ 我地超想騎
騎駱駝發生一件超趣的事,
話說我地果TEAM駱駝, SAM坐第一隻, 我第二隻, 一隻一隻跟住行的, 我的駱駝好似被SAM吸引住, 不停行向前望佢, 望完左邊, 行去右邊又望, SAM又同佢SAY HI, 駱駝好似好開心咁, 最後, 駱駝忍唔住, 深深吻了SAM一啖(背包), 笑到我死
騎駱駝, 旅遊點例牌有人幫你影相, 咁我地都會買的, RMB15一張, OK LA, 留個紀念嘛
騎完駱駝買完相, 我地和其他團友都好開心爬上沙丘玩和影相, 係沙丘上睇沙漠真係超正
玩左一輪就集合一齊坐小火車去另一邊, 嗯應該係近頭先落吊車的位置, 我地要玩滑沙, 滑沙有150米高(如無記錯), 好似好恐怖, 但未試過諗左一輪,好, 就玩啦
望落去好高, 但原來用手叉住D沙, 但減慢速度和控制方向的, 所以唔係好快, 亦都唔驚, 重超好玩添.
因有些團友唔玩滑沙, 他們會坐吊車出返去的, 咁我地玩完滑沙, 就會坐巴士去返出口, 大家集合後, 就上車去今晚住的鄂爾多斯區
大約2小時左右就到鄂爾多斯, 本來今晚在酒店自助餐的, 但酒店唔知咩事, 我地要去另一間酒店食, 都多野食的, 味道OK LA (在大陸不會有好高要求吧), 8點就集合坐車去今晚住的博源酒店
今日我地都玩得太高興, 所以睇完NBA就瞓了,
因為明天都係6點3MORNING CALL

唔記得講, 我地玩滑沙時, 因SAM的相機背包會唔方便, 團友的姨姨好好, 幫他”咩”住, 超好的團友.


第二日啦, 今日要好早起身, 因為要去希拉穆仁大草原玩呀
6:00 morning call, 8:00 出發, 早餐係酒店自助, 都ok都多野食的, 食飽, 去多次廁所就上車, 團友大家都準時, 而且永安都會每日派紙仔比大家, 註明了起身, 早餐, 上車的時間, 大家唔會唔記得, 呢個幾好

出發啦, 車程大約2小時, 原來係內蒙上高速一定要扣安全帶的, 上因為山路多; 在高速入口處, 導旅要去登記, 之後公安上車數人和檢查的, 呢個我覺得幾好~

沿路睇下山睇下景, 瞓下, 就聽到導旅話差不多了, 咁佢地要統計下大家要自費玩咩, 主要係坐馬車和騎馬, 咁我地兩個選了玩馬車, ,在車上, 領隊收錢後, 下車就安排大家的自費活動, 其實有d亂, 因騎馬的馬伕好似搶人咁, 攪左一輪, 我地都上馬後就出發, 沿路有3個景點,

第一景點, 我地落馬後, 就係一望無際的草原, 遠遠重有放草中, 好想行過去呀, 我地無入蒙古包飲奶茶, 因為比風景吸引左… ^^
第一景點後… 我和SAM改了去坐馬車, 因為我的馬好百厭, 牠不停想行前和整前面的馬, 前面隻馬又起腳踢佢,我好驚, 所以唔玩, SAM見馬好似好辛苦和好”櫈”所以唔想玩, 無所謂啦, 都叫試過呀.. 不過原來坐馬車重”櫈”…..............
第二景點倣包, 有三個, 不過係人工修飾過的, 他們說放石仔上去後, 行3個圈就願望成真喎…,
第三景點, 我地可以入草原睇牛牛, 真蒙牛呀, D牛牛長毛的, 不過地下好多牛屎….. 要小心行……我地影左好多相, 不過而家4月草原的草唔係最靚因為重未翠綠和未高, 但對我地黎講, 已經好勁, 因為我地第一次睇大草原, 真係一望無際架
之後就回程, 等齊人後就去食晏,

都係草原的餐廳, 味道麻麻啦, 重不停唱民族歌.. 呀… 其實佢地本身咁大聲, 唔好用咪啦, 好嘈……...
食飽, 我地上車等一陣, 要去睇草原馬術表演, 但因為剛剛天氣麻麻, 要等一陣先~
大約10分鐘, 天氣好番D就去睇表演啦,
表演完畢, 我地就去牧場,

由草原去牧場大約15分鐘, 我地去玩互動整棵條, 奶茶和睇小綿羊BB
到了牧場, 入去其中一個蒙古包, 係廚房, 有位阿姨就教我們整奶茶, 不過個爐…. 壞左, 無電, 哈哈, 之後就敎做棵條(蒙古小食), 阿姨問有無人一齊幫手, 只有SAM舉手, 之後有位伯伯一齊玩, 咁我就幫SAM影相, 因為佢唔識煮野食, 團友們睇佢睇到好緊張, 太太們就教佢切野手勢, 手指點放, 落刀點, 好好笑~
玩完煮飯仔, 我地就去另一個蒙古包等食棵條和蒙古奶茶做下午茶,  棵條係剛炸起, 味道OK的, 奶茶我地就麻麻啦, 因為係咸的, 反而送奶茶的奶製小食幾好味

食完下午茶, 團友可以去另外兩個蒙古包玩變身, 有D蒙古服比大家著黎影相的, 但我個人覺得, 呢家野好DIRTY… 我唔會玩, 除左日本
咁我地唔玩變身, 咁… 我地叫導遊帶我地睇小綿羊BB, 導遊去屋仔抱住BB出黎, 好可愛架, 我估佢兩三個月大啦, 重未完全介奶的, 我地第一個抱佢, 佢有DD驚, 之後定番D, 佢好嗲添, 我重錫左佢一個頭(其實係佢郁時撞過黎的), 之後團友都開始出黎影相, 我諗大家最開心係見到BB羊啦

影完相後就上車啦, 嘩, 原來我地好好彩, 導遊叫我地睇番後面(之前草原的方向), 原來有沙塵暴呀, 好彩我地回程返市區, 無受景響啦
,
到市場, 我地食晚餐, 今晚好重要呀, 要食重點推介的”烤全羊” (我地格價時, 見烤全羊如要自費, 一隻人仔2880架, 不過我地包左~), 烤全羊係蒙古婚宴和大時大節先會食的, 所以又找人扮結婚, 哈哈~又係你呀SAMSAM, 佢做新娘子呀`
我又做影相大師囉~

影相後, 就分羊給大家食, 隻羊大今日隻bb小小咋, 好慘咁….
不過又好好味囉, 唔蘇~正, 其他小菜都好食的
食飽後就回酒店, 今日唔使換酒店, 繼續住”香格里拉”
好耐好耐無跟過團去旅行了,
今次我地揀了 內蒙古
唔好問點解,
只是覺得, 大家都未去過, 內蒙又唔夠胆自己去, 團費+雜費都唔係貴
所以決定去了
3月中去報名, 永安旅遊, 住得好d, 全程住5星國際級酒店 (3天香格里拉, 1天博源豪生酒店), 食.. 我唔知, 但有2餐酒店自助餐應該無問題的, 重有包烤全羊

第一日, 我地乘坐 香港航空直航去呼和浩特
原本 15:40落機, 但因天氣問題, 在半空轉轉轉了半小時先可降落
落機時差不多五點了, .... 內蒙... 過關比較少人, 都唔使排好耐, 而且只有我們一班機
過關, 取行李, 找番領隊集合, 一齊出閘找導遊
呀, 出面下雨呀, 咁黑仔, 不過原來係幸運呀 , 呢場係內蒙今年第一場兩
自我安慰, 貴人出門囉

上車, 開始停雨了, 因為delay關係, 我地第一日無行程
改為早些回酒店休息和食自助餐啦
我和sam可能比較麻煩, 又食煙又要大床, 所以和其他團友分開了樓層, 住得比較高 25樓 (我見團友住7-9樓的~嘻~)
拎回行李後, 我地就拿拿林去自助餐, 因為好肚餓呀

酒店也不多人只有我們一團36人和幾枱散客, 無出現搶食, 打尖的情況,
食物都ok la, 乜都有d , 連長蟹腳都有, 刺身都有呀, 我在大陸唔會食咁多生冷野
主食熱食, 我怕唔舒服呀

食飽我地就回房休息了

明天好早起身呀, 6:30就morning call, 我要 6點起床....
第三日,
今日又係早餐, 游水,
之後就去近BIG C食粉, 行左一陣就去按摩
SAM BA佢地泰式按, 我地三個就只摩腳
真係好C服呀
按完因為特別想去廁所, 我地就回酒店先, 幸運地見到日落, 超靚
之後就出返去找SAM BA MA 會合去食飯
今次去左近MIKE果邊大排檔, UM… 好普通, 他們之前說好好味, 我都好期待, 但他們說下次可以唔再黎, 因為退步了
之後就回酒店收拾行李, 明天要走啦,
要返BKK SHOPPING~
我覺得自己最近的心情和情緒都不是太好
分頁: 3/81 第一頁 上頁 1 2 3 4 5 6 7 8 9 10 下頁 最後頁 [ 顯示模式: 摘要 | 清單 ]