分頁: 4/81 第一頁 上頁 1 2 3 4 5 6 7 8 9 10 下頁 最後頁 [ 顯示模式: 摘要 | 清單 ]
第七日~最後一日要食韓牛, 返香港

教了鬧鐘8:30起身, 因為要收拾好所有野, 10:30左右check out,
成功~我地係10:30左右CHECT OUT,
之後SAM去食煙, 我去睇下機場巴點坐, 其實唔係點坐, 係要唔要買票之類, 問完得知, 只要排隊, 上車比錢司機就得
咁同SAM再相量幾點坐車, 佢話大約3點去排隊, 因10-15分鐘一班車, 第一班上唔到坐第二班都唔會太晏, 因為正常係80MINS到達, 但會塞車, 我地估2小時左右一定到機場, 咁我地坐20:10PM機, 應該18:00到機場, 我地又要退稅, 又ON乜乜咁, 又要拎貨, 又要食飯, 咁17:00到機場差不多啦, 就咁決定

好. 安排好去機場情況後, 就出發去馬場洞食主角韓牛了, 好期待呀, 今日蘋果動又咁啱介紹韓牛, 所以睇到好餓好想食
我地都係坐地鐵, 去到馬場洞, 大約11:30又要行一段路先去到市場, 其實可以選擇去市場肉檔買再去舖家的店食, 或者去找燒肉店食都得, 咁我地無專登去找燒肉店, 在肉檔揀了一碟1++ 韓牛併盤乜都有D, 再加一碟牛隔膜都係1++ (一共係HK680), 佢就帶我地去對面上樓的名食燒肉(唔記得問去燒肉咁使唔使錢添)

當然有位識國語的妹妹會教我地燒和幫手啦, 但上去燒就當然無飯跟, SAM食燒肉一定要有飯和可樂的, 所以加了, 咁都有泡菜小碟和生菜附送的

食得啦食得啦, 原來韓牛同和牛係唔同的, 大家都係好有香牛味, 有雪花的, 但分別在韓牛係爽口, 和牛是淋身入口即溶, 因為併盤其實好大碟, 入面有兩大件西冷的, 重有隔膜, 牛腩, 肥牛肉, 牛冧等等, 我都唔記得有咩了, 總知就食到我地呆了….
有小小你推我讓咁…….... 而家回憶番都好想食…..
好啦, 食完大約1:30. 我地要走, 起身回酒店了, 又係咁, 我地又行左其他方面, 無沿剛才的方向行… 係啦, 又唔知去左邊囉, 死好彩, 見到有間POST OFFICE, 因KIMMY之前叫我地寄POST CARD比佢, 咁見到咪入去問下有無POST CARD, 不過係有, 但唔靚, 反面賀年咭都幾靚, 咁.. 我地就寄了張咭比佢, 不過無話佢知架~
攪完郵局, 我地懶醒繼續向前行, 見到清溪川其中一段, 當然無聖誕佈置啦, 但都好靚, 我地重影左好多相架,  之後我地都GOOGLE MAP下自己位置, 哦~原來係龍頭地鐵站附近, 我睇過去馬場洞市場, 也可在龍頭站出地鐵的, 所以我知唔係好遠啦, 咁就繼續行去地鐵站了, 過了清溪川會經過一個公園, 我地順便去廁所, 都好乾淨的, 攪掂後, 其實一出公園就係龍頭站, 好叻呀, 又可以坐地鐵回明洞啦
不過龍頭去明洞要轉3次線, 可能唔係多旅客上落, 所以無中文, 咁睇英文併音, 但又唔話你知下站係乜, 只係講係乜方向行, 超. 我鬼識咩, 要落到去等車位先見到下站係乜, 好彩啫~
今日天氣真係太好, 唔係好曬, 但我地好熱, 我地極店懷疑係食左韓牛, 如果唔係無理由的,
返到明洞, 去酒店拎回行李, 坐定收好曬唔用的東西, 係褸, 我只著了長袖衫, SAM都要除件厚褸, 你話呀, 真係韓牛保暖架, 整好後就去機場巴士站, 酒店位置真係好重要, 1分鐘就行到去巴士站太好, 見到其他人又推喼又一箱箱好辛苦
到了巴士站剛有車, 不過好明顯係上唔到的, 咁我地等下架啦, 大約10分鐘左右就有, 我地上到車, 又瞓….
SAM拍醒我話落車了.. 咁快
我睇鐘……...4鐘… 點解會早左…….... 就算唔塞車都無理由早左, 係碼4點3先到啦……..…, 唉 早好過遲, 最緊要佢比我地拎BOARDING PASS
一下車, 香港人呀, 唔好咁啦, 又搶行李啦, SAM又好辛苦搶回我地的行李後, 就入去找COURTER 哦~要自已CHECK IN 出BOARDING PASS的, 再去排隊玩寄行李,  寄行李時要再話比空姐知邊個喼要做退稅, 再指我地去做退稅位, 我攪寄行李時, SAM就睇定邊到做退稅, 我重同佢講有好多人圍位的地方就係架啦, 咁佢睇完我地一齊行去退稅位………..無人0既, 負責的哥仔重可以係到吹水, 乜唔係有好多人做到忟架咩………, 唔使排咁順利~YES~哥仔重話入去STAGE27就可以拎錢
做左退稅第一步後, 就行左隔離寄番個喼, 就可以入閘, 好彩我地PACK一喼咋, D人推住幾喼四圍走, 好辛苦呀
去第二步都好順利, 咁入閘啦, 要攞番D錢
過完關就做第三步, 入去找STAGE27但未行到STAGE27見到有人手COUNTER又係話退稅位, 咁我地問下, 佢叫我去入去, 咁又唔使排隊, 咁咪去囉, 佢會問要USD/RMB/KR, 點解無HKD, 咁我地選了USD因為USD SAM去美國用得嘛
做完第三步就要做第四步, 行去對面比海關蓋印仔……..……以示你拎左錢
禮成…..…… 點解……...咁煩, 做四個步驟, 重要四團走…………..
玩完退稅, 我地就去拎貨, 明明寫住STAGE28有個位上電梯就係, 但都無….
我地問了CS叔叔佢教我地去, 表妹話好多蝗大媽係到搶拎飛仔的, 咁又好幸運地, 又係無人喎, 唔使排, 一個對PASSPORT, 一個對單就比飛仔我
哦~唔使5秒就叫我NUMBER拎貨, 對好後就走得
我地真幸運
攪好曬都未夠5點半, 我地去食野啦, 有TACO BELL , SAM好想食, 咁去FOOD COURT 食, 我就叫了個豆腐湯鍋, MAMA DE~ 機場係咁上下, 食飽都係6點半咁點呢, 四圍行, 又無野想買, USD8/50片MASKS, 買咁多做咩? 等過期? 奇怪

咁SAM就坐低睇波, 我就打機, 大約7點9就開始上機了….

無啦…. 第7日完, 成個行程完啦

後話

點解要拎貨呢, 係我表妹教我的, 原來去樂天DUTY FREE ONLINE SHOPPING平D, 佢好慳家架, 所以佢話平我一定信, 而且計番真係平左好多, 所以ONLINE買左的東西, 我就唔入舖八卦浪費時間了, 所以我唔係入左好多化妝品店咋, 只入過CLIO, OLIVE YOUNG, VDL & LG 開果間, 其他都無入過了
其實今次我想買的化妝美容野唔係好多, 主要想買眉筆. 和BASE,
咁我都係望住目標買的, 咁我買了1支VDL眉筆,
CLIO 的紋身眉筆1支,
MASK買了幾片(我係唔會買50片100片的),
MODI甲油7支, 2張指甲貼,
重有2支LIPSTICKS,
和1支BODY MIST,
ESPOIR 的BASE在樂天ONLINE買了, 所以無入舖
本來想買PONY 化妝品, 但睇唔啱, 想買MANYO FACTORY神仙水但找唔到. 所以只有咁少啫, 返黎重要比人笑買左咁少野~哈~

又講下點解會選擇坐機場巴, 唔坐地鐵或機鐵呢
我地都做左資料收集的, 問過幾個朋友包括表妹, REMUS啦,
原因1要去首爾站坐地鐵或機鐵好麻煩, 雖然酒店有SHUTTLE BUS 去首爾站, 但都好麻煩
原因2機鐵只係快地鐵10分鐘, 好似好無聊, 但貴一陪價錢
原因3 地鐵係最平, 但要上上落落推住喼, 搵黎攪, SAM最唔鐘意
原因4 我地有足夠時間, 不如舒服D啦
就係咁, 我地就坐巴士去機場了, 真係無選擇錯架, 如果你有足夠時間的話
第六日~老公SAM生日大日子

今日計劃了去<光明傳統市場> <鐵山市烤風乾豬肉><西村, 通仁市場><想去邊就去邊>
後尾, 老公話佢生日佢話事, 佢把計劃改了,
最新計劃行程是 <光明傳統市場> <鐵山市烤風乾豬肉><西村, 通仁市場><新沙洞行街和食烏雲雪糕><青春街食部隊鍋>
最後計劃行程是:...............................

好啦, 今日都係自然醒日, 咁我都教了9:30鬧鐘, 其實點解自然醒都要教鐘呢, 係因為我地平時去旅行成日都會6-7點就自然醒咗, 但有陣時都會晏左, 咁就會好趕或要MISS一D行程, 唔想咁玩法, 所以自然醒得黎都比個DEADLINE自己好D~
好啦, 9:30起身, 攪掂後, 叫老公啦, 我地都好期待去光明傳統市場和食烤風乾豬肉, 係睇報紙介紹的, 係, 鐵山和光明係一站之隔, 由明洞坐地鐵去大約45分鐘左右, 好似都轉了3次線

好啦, 第1站去傳統市場先啦, 果度似一個街市, 有魚有肉有菜賣, 當然有我地要找的熟食檔, 真係檔唔係廣藏市場咁有得位, 你要拎住食的, 我初頭都以為係咪自己去錯, 點解買D野要煮先食得, 不過, 行入多2步就開始見到有野食啦, 第1檔蒸泡菜飽 (係薯粉皮包的) W1000 (HKD6.6) 咁買一個試啦, 點解原來係有6 個, 1份=6個包, 雖然佢係大過小籠包小小, 但6 個喎,  最大問題係HKD6.6有6個包食, 1蚊1個蒸好的包.. , 咁我地行去行仔食, 唔好阻住人, 嘩~皮簿料多重要係好好食, 話咁快我地一人食左兩個, 重有兩個剩, 因有盒裝, 拎住先啦
第2檔, 今次係舖, 係食炸醬麵和海鮮麵的, 咁我地叫了一碗炸醬麵W2000 (HKD14)係正常SIZE唔係細細碗兩啖果D, 醬的味道無咁甜, 麵好彈口, 但SAM比較愛食明洞掃街果款.

之後去了便利店買汽水飲, 見到自己拎住2個泡菜包, 又抵受唔住又食左去, 太好味了, 好….再入番市場
第3檔, 食牛肉餅, 上次係廣藏見過有豬肉餅, 不過無食, 今次見有牛肉餅, 半煎炸的, 好香所以買, 都係W1000純牛肉洋蔥餅~好好食, 不過都飽飽地, 但又食鬼曬,
第4 檔, 魚卷, W1000 3 串, 係HKD6.6有3串囉, 重要係手打因見到係入面工場打整, 原來魚卷係好食, 但手打魚卷係重好食, 好彈牙, 湯頭也後鮮甜, 正, 唔啩之後大家圍住檔口係咁食, 我地2人食3串, 佢地D大嬸一人6串架, 勁

唔得, 真係好飽, 四圍行下見下,  臨走又買左紅豆蛋糕仔W1000有5粒, 每粒大雞蛋仔小小啦, 又係好好食, 重好食左大澳雞蛋仔, 佢中間位係CREAMY狀的,
唉… 大鑊, 飽到咁… 點食風乾烤豬肉…….被迫取消, 因為無可能出返市場再返入黎食的………… 咁好啦, 放棄, 連 通仁市場都放棄, 因為光明傳統市場太正, 心知通仁特別在買古錢玩, 所以…….也放棄吧, 但我地都會去西村的
好~坐地鐵大約45分鐘去到景福宮站,

出地鐵行去時西村時, 見到有間CAFÉ 有彩虹千層 CAKE, 老公好想食, 咁我都坐下, 叫了一件CAKE一杯咖和藍梅SMOOTIE, 爽呀, 咁凍天氣下飲SMOOTIE. 千層CAKE老公話好好食, 咁我地HEA左一陣, 繼續行去西村, 其實都有經過通仁市場的, 但都唔入去了,
西村. 舊式韓屋唔算多, 多數已改為小舖了, 好多應該係自家品牌, D野幾靚的, 我地重去左打機, 事源係行過一間機舖, 見入面玩果D都係我地小時候打烏應飛機, 泡泡龍果D, 咁我地就入左去玩左一陣, 又四圍行下, 就走了

因為老公知我好想食烏雲雪糕, 所以好堅持要和我去新沙洞食, 咁我當然好啦, 順便見下有無野他想食, 做生日飯, 但都無睇啱~~
行過LINE他入去買多兩件POPCORN送禮, 我就無買野, 只去廁所, 行下LG化妝品店買LIP STICK了和甲油, 之後就找雪糕店, 因要轉入後街, 找到H&M轉入去就係架啦,

到了, 點了一個烏雲一個聖誕樹雪糕, 都好靚~見到都開心
其實烏雲和聖誕樹都係棉花糖來的, 烏雲係灰色薄荷味, 中間有爆炸糖的
雪糕都係配牛奶雪糕, 好濃好滑的, 可以一試的~
食完雪糕行左一陣, 我地又八卦過左對面馬路, 原來無乜野睇就坐地鐵去青春街, 因為都差唔多6:30了,

到了青春街我地就睇下有咩想食和邊到有部隊鍋, 呀… SAM都係想食部隊鍋多D,咁就上次燒肉對面果間啦, 專食部隊鍋的,
呢間原來只有韓文, 不過好彩有D有相, 估到係乜咁啦, 哦~原來重可以加配料~不過我地揀了套餐可自選2款和烤牛肉餅及汽水,
鍋黎啦, 入面有好多野架, 有腸仔, 辣肉腸, 餐肉, 茄汁豆, 年糕, 火腿和腩肉片 (其實佢乜都有, 咁揀咩2款配料呢??) 重有一個公仔麵和加了老闆之前不停問我地的BABY CHICKEN , CHICKEN BABY…. 我以為係春雞, 咁我地都加了, 諗住加點雞肉都OK吧, 黎到先知…. BABY CHICKEN 原來係……..….雞蛋….
好彩有加啫, 加了蛋真係唔同曬, 汁都杰D, 我食到停唔到口, 攪到老公唔敢食.. 哈哈
食到好飽呀(我) , 之後又散步返明洞, 老公要買橙汁飲, 和他說想試炒米粉, 我話好飽喎重食, 佢先話見我食得咁開心唔想食咁多, 留比我食, ^^
咁我都陪番佢食炒米粉啦, 不過好咸~真係麻麻地,
老公食完炒米粉話LAST 你有咩想買就快D買唔好諗啦, 咁我就去行OLIVE YOUNG買了MASKSSSSS ~5張, 5張夠了, 太多除左用黎送禮就係放到過期, 所以我都唔會買咁多, 只買自己用想試的就算了
因為明天LAST 啦, 我地回去執喼, 和填退稅表, 我地想張要退稅的東西放响細喼, 咁就唔係拖住兩喼四圍走, 因為今次的酒店有足夠位置比我地開兩個喼, 所以都好快就攪掂~成功
早D瞓, 明天早起去食好野~
第六日完~

第五日~一條龍_南怡島, 小法國, 晨靜樹木園, 春川

今日好乖, 鬧鐘叫就起身, 7:15AM
我地要去郊遊~南怡島, 小法國, 晨靜樹木園, 今晚再去春川食正宗春川雞

一出門口就見到下大雨了, 回去問酒店借遮… 雖然門口就地鐵唔用都得,  但怕到南怡島下雨就好麻煩, 都係借用啦.  

我地先坐地鐵去龍山站, 再轉火車去加平, 到了龍山買10點火車票, 又係寫定貓紙啦, 買好飛, 就去買早餐, 食BURGER, 有唔夠半小時食, 之後就上車啦.  食飽時間差唔到9:50, 就落去等車, 準時~ 10點有車, 劃晒位唔好煩, 火車其實唔多人的, 大約1小時就到, 如果坐地鐵去 要2小時,  但會平好多, 咁我地兩個令願貴小小唔好咁辛苦呀

好快又瞓一陣, 無啦啦醒一醒, 睇下風景, 好郊區…. 又呆下, 開始見到出面下雪呀,
我地好開心, 雪唔算好大, 但今朝下大雨無諗過郊區有雪睇, 我腦裏諗, 去到南怡島一定好浪漫了, 好快就下車, 突然好大雪, 好多港台旅客都好興奮 , 哈哈, 係架, 我地住的地方無雪落. 就係咁架啦,

SAM玩緊雪時我就去睇下TOUR BUS係邊度坐, 因為1小時1班車, UM… 觀光局休息無得問, 咁係前面定對面的巴士站呢? 韓文, 唔識睇, 又無人等車, 只見有人在對面巴士站等車, 又見到幾個香港女仔係對面, 咁我地都過去, 睇左一陣, 又係無講, TOUR BUS 無理由無英文啩, 問了一對後生情侶, 佢地話唔知TOUR BUS係邊坐, 問我地想去邊, 我地話南怡島, 佢話可以坐巴士去, 咁我地又比張LEAFLET佢睇有TOUR BUS, 但佢地都係唔知… 咁點解,
咁又係, 佢地又唔會坐又點會知呢, 咁有3個香港女仔, 我地問下佢地, 佢地好似如夢初醒咁, 走翻過對面, 咁啱對面有架旅遊巴係到, 大班人排隊上車中, 我地就跟上車, 係…. 呢架就係傳說中的TOUR BUS…
好彩無MISS到,

上車同司機買1 DAY PASS 係條手帶黎, 每次上車都要比司機睇下做確認, 呢個都幾好, 班車好FULL, 企滿晒人, 咁坐1個站就到南怡島碼頭, 去買票坐船入島, 雪也開始細了, 希望入到去重有得睇雪啦,
船. 大約15分鐘一班, 我地剛剛好有船, 唔使等, 約10分鐘就到南怡島了, 我地無跟人潮向前行, 只係見左邊少D人多D雪咪行入去囉

入面真係好靚, 加雪景真係好浪漫, 唔怪之得韓劇浪漫場景一定會入黎啦,
我地跟住湖邊散步, 四圍影和玩下雪,, 再睇番LEAFLET睇下自己去左邊, 順便找廁所和吸煙位, 之後就去發覺開始肚餓了, 我地就去找野食, 我想識戀歌飯盒, 但又無明實講係邊, 只係地圖指住果咋野其中一間, 但又唔覺眼, 諗住放棄時, SAM話睇入面會唔會有, 呀~ 真係係入面呀… 咁就入去食, 我地叫了兩個泡菜鐵飯盒, 一個有芝士的, 和一個泡菜餅, 飯盒到啦, 要戴手套搖左先食(作用是撈混去), 呢D當然SAM做啦, 因為天氣凍, 飯盒好熱, 所以覺得好好味, 有得玩有得食幾好呀

食飽就走啦, 因為要坐3點幾的車去小法國, 我地沿杉樹園去碼頭坐船, 真係好彩我地早到, 重要行左邊先咋, 如果晏黎, 好多人又多團, D雪又溶左, 得D樹枝咁…我地起碼有雪睇, 行左邊又避左人潮. 嘻~好似好醒咁, 其實係無睇地圖係到亂行

離開島後, 我地行去巴士站, 見到超多人, 心知上唔到車, 所以就坐的士去小法國
大約W20000, 15MIN就到,

買門券後要快玩, 入到去, 好快咁玩完(大約半小時), 其實天暗暗又濕, 而且果度好細唔吸引的, 所以都無乜心機睇,, 就拿拿林去排隊坐巴士, 我地都早左20分鐘等車的, 因為怕上唔到和去晨靜樹木園要1小時車, 上唔到巴士無可能坐的士去的, 所以要早去等車,
有車了, 係上到呀, 但無位坐…. 要企… 因行山路, 企係到好辛苦的, 好彩15分鐘左右到了清平站, 有好多人下車, 我地有位坐了. 我見SAM好似好辛苦唔舒服咁, 佢馬上合上眼休息, 我也不敢和他說話, 大約半小時就到樹木園, 一落車, 見到幾個人嘔………… 咁山路又真係好辛苦的….

SAM話他企係到時都想嘔, 好彩後尾有得坐, 佢叫我一陣快行, 唔好玩到坐19:30尾班車了, 無位或者要企都唔知點算.

我地到達樹木園大約17:00 咁我地休息左一輪後就買票入場, 入到去啱啱好開始亮燈, 天未黑曬, 但都覺得好靚, 好浪漫, 超鐘意呀, 大約六點天黑曬了, 真係重靚~

我地真係快行, 快影相就走, 大約18:30坐車, 好彩呢個時間唔多人走, 我地排好前一定有位坐的.

坐一陣大約20分鐘就到清平站, 我地落車轉地鐵去春川 (去春川其實都有個好大的笑話, 一陣先回味),  DINNER 食春川雞

不過等左好耐地鐵呀, 都有15-20分鐘, 可能郊區, 車比較梳啦,
好彩有間暖氣房比人入去休息, 如果唔係可能會冷死車站,

終於有地鐵啦, 大約坐半小時就到春川, 出左車站向前直行就去到春川明洞, 有條春川雞街的
呀……...好彩條街有微微的街燈, 影都唔多隻….. 兩個人係條街行…….呀……
夜晚咁荒蕪, 又凍凍的, 好彩明知今日去郊區著番件厚衫啫.

嗯, 車站出向前行20分鐘就到春川明洞…… 好彩老公係到咋, 我只係諗住向前行, 無睇路牌, 老公就見到有個英文路牌寫住 “春川雞街” 我真係無留意過
咁我地轉入去, 又係無乜人, 唔知係我地晏定呢, 其實都係 8點幾啫, 間間都無乜人食, 咁我地就求其選一間啦,

入到佢, 老闆問我地食BBQ? 我地指住春川雞的相, 老闆就帶我地入去後面坐, 原來出面的燒烤枱唔同入面雞鍋爐枱的, 原來係咁….

响我覺得感覺中, 春川雞街應該係有漢字或英文, 重要有相方便點菜的, 但原來係無; 老闆應該係識國語的… 原來都係我自己覺得的..

在牆上貼住一些相, 是有套劇係呢間舖拍攝的, 呀~雖然我唔知係咩劇, 但呢間一定有D名氣, 唔會差得去邊

咁我地好似係東海咁啦, 繼續指手畫腳, 叫了2份春川雞啦, 1支可樂啦, 老闆又係好好人, 好盡力去解釋比我地知有咩食, 佢地D泡菜小碟同出面唔同, 有沙參和水泡菜, 沙參都幾好食, 水泡菜係紫紅色水入面有D醃蘿蔔, 我麻麻地,

之後就上菜啦, 老闆比我地影完相, 佢就開始炒炒炒~好香, 好想食, 由生雞炒成熟雞, 睇見都流口水, 睇個樣都覺得好送飯啦, 咁我地咪叫加飯. 講左好耐RICE老闆唔係咁明, 咁佢帶我去電腦, 用GOOGLE TRANSLATE, 哦~明白了, 佢重教我講韓文飯, 不過我已忘記了, SORRY ~ 佢地個飯又唔係平時的白飯, 應該加了唔知係咪糙米, 好有咬口, 好好食的
個雞食得啦~YEAH~老實講……我真係未食過咁好味的雞, 超滑, 味道又只係微辣, 易入口, 加了雜菜一齊炒, D菜都特別好味, 真係好好好好食的 (我地兩個都選佢係美食第一位)

食到好飽, 清晒, 就走了, 我地話, 下次再黎韓國一定要再黎呢到食春川雞

我一直以黎睇BLOG介紹春川雞, 主要都係旅遊區食, 大家都話好好食好辣, 咁雞鍋入面有雞, 雜菜, 年糕, 粉絲的, 都睇到自己流口水
但原來來春川食的春川雞, 我唔知係咪叫最正宗, 但雞鍋只有雞和雜菜, 也有少少年糕條, 是微辣的.
~分別就係這樣~
食飽, 比錢, W23000, 咁我地就行番去坐火車出龍山站再轉地鐵回酒店啦
買火車票時都攪笑, 原來春川站無人手買票, 只有機, 咁我地點解唔識用啦, 只有韓文, 走入去問人係咪有其他地方買票, 服務員就走出黎幫我地買票, 哦, 原來有個後生服務員企係到幫人/教人買票的, 佢咁啱行開左啫… 成功買票後, 重有20分鐘就有車, SAM拿拿林去食煙, 就上車了, 時間剛剛, 又可以瞓一陣


講番春川雞笑話:
話說我以為自己帶夠錢去玩 (其實本身係夠的), 亦無HKD係身, 咁突然間洗多左, 因為坐了的士去小法國, 咁我地就相量重去唔去春川食雞好呢
我話, 唔好去啦, 回去青春街先食野
老公知我好想食, 話黎到一定要去食 (SWEET~),
咁我咪好呀, 最多無錢都有T-MONEY 坐地鐵2粒鐘回明洞囉~
就係咁…. 我地身上只有W50000就胆粗粗去春川, 食雞
行番去車站時, 老公問, 有無錢坐火車, 我話夠呀, 佢話頭先坐加平, 而家係春川應該係會貴D, 咁重夠嗎, 我話有呀, 我有好多W1000 (原來有12張, 成萬W), 好野
不用呆2小時地鐵

返到酒店都係11:30左右, 休息下先~
明天就係大日子啦~

今日完~
第四日~ SHOPPING DAY

都係自然醒, 又係教了9點鬧鐘, 但頂唔順, 番瞓,
再真係自然醒時, 已經係11點06分
O…大獲, 咁好瞓

好彩今日只係去行街街, 我好快攪掂自己後, 就叫老公起身, 佢聽到11點幾時都嚇親
今日大家都好快手呀, 不過我地想先去東大門 DDP 行下, 因為話好多藝術野睇, 但有點失望吧, 似淘淘野多D, 只有小量係係自家作品, 算啦, 都叫黎過

咁我地都係坐地鐵去弘大啦, 無食早餐關係, 好肚餓, 但要忍…
因為今日要去食男神李敏鎬炸雞~橋村炸雞

男神炸雞唔算近地鐵位, 不過向大學方向找都易找到的, 一路行過去時, SAM當然又係一路SHOPPING LA~ 要買帽子了, 係買了 2 頂帽

好~ 終於去到男神炸雞店, 我想食辣味, 但表妹話好辣的, SAM要食原味, 但點解無得雙併, 所以我地叫晒兩款, 不過我地唔飲啤酒, 就叫了汽水, 好期待呀, 因為連MARY FONGFONG都話好好食的雞, 一定超正
到啦到啦, 影完相, 又超肚餓的, 食得啦
頂, 真係超好味, 我就當然食辣味先啦, 其實有小小微辣; 原味就帶點甜甜的豉油味; 真係食到停唔到口, 但肚位有限, 我地只食得曬原味, 辣味有2件真係飽到食唔到了, 被迫放棄… 其實我都好想放入個肚都的…..

食飽又要行啦… 先去隔鄰公園, 公園係外宿瑪利中的主要場景之中, 眼睇唔靚, 但影相和睇劇都覺得好靚的. 之後就去行街街啦

其實弘大有D似女人街太子一帶, D野都平, 幾十蚊, 靚D就百多元有交易, SAM又買左帽, 我就空手而回, 之後唔知點, 行左去德國古堡餐廳果邊, 見到有座樓好似博物館咁, 是賣眼鏡的, D款又好靚, 咁SAM就睇中左就買了

不過, 其實弘大對我兩黎講唔係咁啱行, 所以都無乜心機睇,
本來都有打算去行梨大果邊, 但弘大唔啱睇, 我地諗梨大都一樣,

再相量下, 決定去貨櫃SHOPPING MALL , 又可以去食SAM想食彩虹蛋糕,
之後今晚係明洞掃街, 因為見明洞街邊好多野食, D人都話OK的, 成日經過都好想試, 而且我地住明洞, 真係無行過, 除左兌錢之外
好. 就咁決定

因為只係5點未夠, 我地坐地鐵先回酒店就, 休息一陣就去貨櫃MALL,
一入去就見到蛋糕店, 我地點了一件彩虹及一件雪人蛋糕, 幾鬆軟的, CREAM也滑的. 但又唔可以話好好味, 食完行左陣(其實無乜野睇) , 就走, 回去地鐵站其間, 經過一係街好多中國食店, 和一間超市, 都係好多中國野賣, 可能建大多中國留學生啦, 行左陣就回明洞了

回到明洞, 食咩好呢, 哈哈, 我記憶下, 有飲橙汁2份, 炒烏冬, 炸醬麵, 南瓜粥,燒芝士年糕串, 魚卷, 重有士多啤梨大福, 其實樣樣都係一碗仔唔多的, 但都貴, 平均W3000/款, 味道不會好好食都可以啦, 叫做試下囉, 之後行去一間超市買手信, 就回酒店, 因為明天要早起身, 無得自然醒呀

第四日完
第三日~星期六去做個潮人

昨天行了一日山, 今日係自然醒日, 不過我都有教鬧鐘的, 大約9:00啦
是日目的地係…….潮人行街點, 新沙洞+狎鷗亭+羅德狎鷗亭+清溪川燈飾
睇, 好似好多地方咁, 但點同點只係行唔夠10分鐘就到,

好啦, 大家攪掂後, 大約11點左右出發, 去兌錢先, 唔係無得SHOPPING, 都係去返之前兌對果間, 响LINE STORE隔離, 兌完錢就入LINE八下, SAM 買了盒公仔, 我就影下相就走了

坐地鐵去 新沙洞
新沙洞主要係行林蔭大道, 出地鐵前行無幾遠就到, 一轉入去就好快見到LINE STORE旗艦店, 呢到好大, 重有CAFÉ, 不過只有CAKE & COFFEE, 所以不會係度LUNCH, 其實都無乜特別野想買, 但見到POPCORN罐好靚, 咁就買了,

行下睇下, 又找下野食, 新沙洞主要都係西式和CAFÉ多, 咁見到有間CAFÉ有露天位, 又主打係食三文冶, 都好呀, 唔使餐餐韓食,
入到CAFÉ 我地見無位和有d焗, 就話坐出面露天, 可能習慣左天氣和有太陽, 今日感覺唔係好凍,但佢地又係覺得我地怪怪, 示意話好凍喎, 但我地都決定坐出面, 我地點了兩杯咖啡, 一個湯, 兩份三文冶, 都OK的

食飽, SAM又要食煙~就係咁, 比我見到馬仔袋的店係對面2樓, 重做緊減價, YEAH~等SAM食完煙就上去, 睇左陣, 都好似唔係咁合心意, 想走時, 又見到個方形白色袋, 好靚, 折左大約HK1000, 咁SAMSAM立即買比我了~ HAPPY


街尾間ALAND都幾大, 不過衫好細件, 唔啱我地, 只買了隻介指仔, 行完本來想食烏雲雪糕,不過好飽, 無去搵, 之後就經狎鷗亭, 再行去第二潮區羅德狎鷗亭,
經過狎鷗亭時, 見有酒店, 就入去廁所先~ 再入馬沙八下, 但D款好老士的…
咁就直接行去羅德狎鷗亭, 我地要去 NEW ERA, 睇波鞋, 和去首辦博物館
SAM買到帽, 但買唔到波鞋, 咁就去博物館,
呀…….. 其實對我黎講唔係咁啱睇啦, 重有入面好熱, 好想快D出返去
我入去好似最大目的係去廁所咁… HAHAHAHAAA

因為都買左幾袋野, 我地決定先回酒店, 才再去清溪川睇燈飾
橫掂都返左酒店, 休息左一個鐘, 咁今晚就去食咸草醬蟹啦~

話說咸草醬蟹係加了秘制的咸草醬入去醃的, 所以好想試
餐廳好近酒店, 在酒店後面, 唔多人, 主要係台灣客, 我地點了兩個餐, 一個醬蝦, 一個醬蟹, 兩個都好好食, 好鮮甜, 我自己就鐘意醬蝦多d, SAM就愛醬蟹,
講番個汁, 又真係同出面向(香港) 唔同味, 和有種唔知係咪秘制野的味道係入面, 撈飯超正.
食飽後, 我地就坐地址去市廳站, 因為近D, 由市廳行去清溪川大約5/6分鐘, 好人山人海, 不過無想像中咁靚, 老實講, 日本靚好多
但臨近聖誕都要黎感受下聖誕氣氛加嘛, 清溪川好長的, 我地一路向前行, 到唔知咩橋位, 就上返去, 因我睇地圖知道果度可以行返去明洞的, 咁我地上返地面, 見對面好熱鬧, 咪入去望下, 寫住青春街, 唔知咩橫町, O… 不過收檔中, 再入小小, 見到重熱鬧, 十足十新宿歌舞妓町咁, 無改錯名, 青春街, 全部係年青人, 我地都見有D肚餓, 就去找宵夜食, 見有間寫住係稻草牛燒肉(我諗意思係d牛係主要食稻草) , 價錢重好OK, 咁我地話不過行多陣睇下有無其他都吸引再決定, 不過行了半條街, 都係想食燒肉, 好… 就咁決定, 入到去唔多人, 因為已接近10點, 我地點了稻草牛, 五花腩, 泡菜湯, 汽水 , 牛雖然知知係咪韓牛, 但好香牛味, 豬又係好好食, 泡菜湯, 真係唔同香港的, 酸味重D 又係濃泡菜味, 食飽. … 成為 HK$145
吓…. HK145, 唔係呀, 咁平… 我地決定找日再黎呢條街再食過

頭先行左半條街, 咁而家行另外半條街啦, 都係食日本菜, 韓國菜,  無西餐的

就係咁… 因為太飽, 亦知道可以行回去明洞, 所以就GOOGLE MAP行回去酒店了, 其實食飽飽散步拍拖行返去, 唔使半個鐘一定行到返酒店
經過明洞, 雖然都收工啦, 但都四圍望下, 就回酒店, 嘩, 沖完涼要瞓啦, 已經12點了, 好彩, 明天都係天然醒日

第三日完
分頁: 4/81 第一頁 上頁 1 2 3 4 5 6 7 8 9 10 下頁 最後頁 [ 顯示模式: 摘要 | 清單 ]