分頁: 5/81 第一頁 上頁 1 2 3 4 5 6 7 8 9 10 下頁 最後頁 [ 顯示模式: 摘要 | 清單 ]
第2日~首爾~東海燈塔
今日要好早起身呀, 教了7點起身, 我地要去東海燈塔
因為我要去追星…. 去繼承者門_車恩尚的家, 其實唔關事的, 我明明係鐘意李敏鎬, 不是女主角,
其實去東海燈塔的原因係, 我地想去睇壁畫, 首爾有好多壁畫村的, 我地找資料時見東海的壁畫村好靚, 而且又係郊區, 唔使成日係市區, shoping & café 呀, 所以就決定呢到, 不過找資料真係有點難的, 因不是旅遊區, 官方資料基本係勁少, 睇blogger資料也不算多,而且重要坐巴士, 無英文的, 有小小難度吧,
綜合資料後, 找到坐車方法, 不過落車都係失敗左, 食飯都係笑料之一咁啦

好啦, 講番行程
8點出發, 先落樓下買麵包做早餐, 之後坐地鐵去江邊站坐長途巴士去東海, 上網找定韓文字比賣票睇, 成功買到車票,大約3小時, 長途車有劃位, 坐位都好大好舒服的, 令我一上車就開始瞓, 醒下睇下呆下, 3小時就到~巴士停第1站

唔知司機講咩, 亦唔知講播講咩, 上網話總站落車, 張車票又寫住東海, 咁應該係總站先落啦, 但見又無乜人下車, 得2個人落車, 咁咪唔係總站囉, 繼續坐
但坐坐下好似唔對路, 到下個站就問司機, 當然司機唔識英文的, 我比車票佢睇, 佢示意已過了, 我問佢TAXI 佢答我爺爺(韓戲話係好的意思) 之後佢又話BUS, 叫我去買票, 哦, 咁好啦, 我地下車去買票去返東海剛才的地方, 不過佢又好好人喎, 叫住我地兩個, 叫另一個巴士經東海的車司機車我地去東海站, 咁我地咪上車, 哈, 咁我地問下司機HOW MUCH, 但司機都係唔識聽, 我比D錢佢睇 MONEY , 但示意唔使.. ^^ 太好人了, 好快就開車, 其實20MINS車程左右, 咁到達, 司機就叫我地落下啦, 真係超好彩及韓國人都好NICE 呀
到達後. 我地就去買回程車票, 又係比紙仔佢睇, 我地因為晏左, 所以決定買5點20分車啦, 應該返到首爾8點半左右, 呢到賣票員唔識英文, 所以要寫時間比佢睇
好出發, 其實去東海燈塔, 係要在車站轉的士的, 都係上網抄等比司機睇, 成功到達落車地方,
哦~原來東海係個漁村, 有一條好似大澳手信街咁, 一律賣海味乾貨的, 都幾靚, 但我地無理由買咸魚回去……所以放棄了

因為都1點幾了, 我地就食飽先行壁畫村啦

呀……..…. 只有韓文, 好似西貢咁, 主要係海鮮, 我地唔識睇, 見其中一間比較多人食咁就入去, 應該有中文啦;
當然…..係無, 亦無人知我地兩個講乜東東, 算~.試下問老闆有無ENGLISH MENU老闆唔識聽… 只後”啊~~~~” 佢走開左, 之後拎了電話過來同我地翻譯, 我講一次english menu.. 老闆睇完示意無, 之後佢又講左句韓文翻譯比我地睇, 話”知道我們唔識睇韓文menu", O…..咁點算呢, 佢又係超好人, 好用心咁解釋menu有d咩, 但大家都唔太成功, 咁我地見牆有些相有鍋物, 咁我地就pot 指住牆的鍋物, 佢就指menu的pot食物我地知, 咁佢推介一個東西係咁講. 咁 我們知係辣, 咁SAM都話OK的試下, 咁就CHILI鍋, 我地見隔離枱枱都食松葉蟹, 咁我地指住問下, 佢話W150000五隻, 五隻太多了, 兩個人食唔到….
咁乖乖地坐係到等食CHILI鍋, 呀~個鍋黎啦,

……………..….點解無CHILI?入面得魚和白蘿蔔, 哈哈哈哈哈~咩魚, 我唔知啵

不過清清地都幾好食的, 魚也很鮮, 我地一路食一路估係咩魚, 最後我地估係安康魚, 因為個皮似, 而且韓國都出名食安康魚的, 咁CHILI 呢, 可能我地個CHILI 唔係佢地個CHILIE囉, 但都算成功醫左肚先啦

好, 開始行追星東海燈塔壁畫村, 壁畫村有分一二三街的, D路有些難行, 入面D屋依山起, 好似舊時的石屋區咁, 好彩我地係著旅行鞋, 無行得咁辛苦, 因為我地買5點票, 所以都有足夠時間去影相和睇

D壁畫真係好靚好生動, 雖然唔知係邊位大師作品, 係咪各屋主都比佢畫呢, 我地覺得無深入研究啦, 但真係欣賞韓國有這些壁畫村, 唔介紹大師畫牆, 如果在香港一早比人拉左或者鏟走…

行第一街就會經過燈塔, 之後可選擇去第二街方向, 還是落山, 落山就會見到<繼承者們~車恩尚的家> , 我地追星, 點會唔揀落山呢~見到啦
哦~車恩尚果陣一定好窮生活得好辛苦啦…….... 慘慘

行完第一街, 就去返落車路口, 去第二街入口, 路… 依然難行的….
不過第二街最靚
再黎就係第三街, 我地行完, 大約四點幾,
呢度松葉蟹應該真係好出名, 連鯛魚燒都係松葉蟹形的, 好, 就食一個啦
行完壁畫村, 食了鯛魚燒, 我地就的士去返巴士站, 雖然重有1小時左右先有車, 但無乜地方去, 就坐係到等下啦, 傻下傻下就5點, 見就夠鐘, 咪問下站長, 站長都係只限韓文, 佢示意天氣冷叫我地入去坐住等, 坐坐下5:15, 見好多人行出去, 幾個站長又好似好緊張係咁打電話又TALKER, 但點解無人叫上車又無車, 咁我地又行出去, 站長好緊張, 又叫我地2個入去坐, 好強烈地(他好有禮貎的)示意一陣會叫我地的, 咁好啦, 我地又乖乖坐係到, 我地估可能塞車啩~
大約5點45, 站長終於叫咪通知有車, 重真係有巴士轉入黎, 站長真係走黎叫我地上車, 嘻~又一好人, 站長個樣好似韓劇的標形大漢, 如果在HK, 可能會驚驚的.

我地行左傻左成日, 呢個又真係總站先下車, 好放心地又一上車就瞓, 瞓下醒下, 瞓到首爾都唔知, 好彩SAMSAM叫我, 原來差不多九點了….

我地坐地鐵去食晚餐<貝殼倉庫>, 呢間收五點, 所以晏都無所謂, 呢間都係SAM上網找的, 任食貝殼海鮮燒烤,  去試下囉, 橫掂在江邊站坐地鐵好快就到,  出地鐵直行,…. 但找唔到, 之後問人, 哦.. 原來我地眼大睇唔到… 華~好大煙….
入到去等二張枱, 就到我地, 好快
D人都識國語的, 不過可能人多佢地有點惡, 比抵張紙教你點食之後, 就無人再理你架,
我地食左幾餐野, 今次第一次見到香港人架, 好似見到同鄉咁…
其實呢間D野OK啦, 試一次就夠, SAM話鮑魚好食, 我因為唔好海鮮, 只食了小小, 我多數食丸, 我最鐘意食丸魚卷等等.
食飽大約11點幾, 我地就行快2步去坐地鐵回酒店
今日玩到好夜呀~
第2日完
17日~第1天首爾
呀~我地坐韓亞01:10機
因為細機 3+3坐位, 習慣地訂票時劃好位, 因為唔係坐得耐, 我倆好少在機上去廁所, 所以劃了窗口位, 上機, 瞓一陣, 05:30左右又落機了
可能小休過啦, 落機唔算好攰, 太耐無去過韓國, 乜都無印像, 我地跟住人潮去過關, 取行李, 出閘, 大約1小時左右完成
之後找巴士6015去酒店, 有5B和12A兩個位上車, 我記得大家教路要去5B上車, 因為第一站是5B, 雖然我地出黎係近12A但怕無位放行李, 就行去5B啦, 橫掂10-15min一班車, 好快有車了
出發前印定巴士COUPON, 連錢一齊給司機就坐低, 我們也習慣在人生路不熟的地方坐係司機後一兩行, 方便睇地方和有咩可以問司機; 上車前也把行李交比負責放行李的叔叔, 因為佢會安排早下車的人放出d, 我地尾站先落車, 我地的喼就放入d
車都上了8成人, 行李位都full, 真係好彩行去5B咋, 如果唔係, 等下班我諗情況係一樣囉….
上車好眼瞓, 一開車就瞓了, 大約聽到講播話SKYPARK CENTRE HOTEL就醒了, 唔敢再瞓, 因呢間酒店行去我地住的SKYPARK III係好近10MINS內, 也有明洞的, 我睇資料機場巴士這兩間SKYPARK中間重有幾個站, 但心裏又覺得行到去無理由坐咁耐先到, 唔敢瞓, 坐了10MINS 到了南大間, 地鐵都係一站之隔, 應該好快下車啦…. 但又車了10MINS, SAM係咁問我, 點解未到……
我都唔知架, 我又唔識韓文, 又無中文, 我係到聽日文, 我都唔明點解我聽日文, 真係唔好問我點解….
好啦, 終於到達了; 因為總站係明洞的關係, 我們坐近門口, 所以快下車,
一落車, 好凍呀, 之後就係一咋人搶落車, 跟手就係好多人一齊去搶行李….
做咩啫, 搶咩, 痴線….. 唉

SAM好辛苦取回我們的行李後, 我地就行去酒店, 酒店係巴士站行返轉頭1分鐘就到, 超EASY, 唔使四圍再搵

例牌, 登記CHECK-IN, 行李放酒店, 15MINS攪掂

咁我地都有D肚餓和口渴, 咁酒店吸引我地其中一個地方就係樓下有7仔
咁咪入去買野飲和樓下都有間連鎖麵包店, 一人一包, 好彩有錢係身所以有錢買野食, 之後再去兌錢, 太早好多未開, 只係在LINE隔鄰有間找換店開左, 價錢都合理, 就兌啦, 可惜LINE未開, 好想入去行下
算啦, 坐地鐵去玩啦

第一站, 人人話正的<廣藏市場>
UM…. 第一次坐首爾地鐵找資料時都知成日要轉線, 所以我地都睇得好清楚先上車, 和睇實係邊下車, 廣藏市場和明洞都係轉一次線, 坐幾個站就到, 一出就係市場
入去可能都係8點幾唔到9點, 好多都未正式開檔
我地要找最出名的綠豆餅一碟2件, 好大件 好好味, 唔怪得BUZZ勁推介, RUNNING都要去食啦, 店內大部份都係台灣人, 我諗在台灣應該好出名的, 之後就食年糕, 唔知點解同出面唔同, 好肥大的, 但又比平HK食的入味和煙UN, 唔錯~
重有 紫菜卷, 呢個又係好好味,
再之後就係好飽, 咁我地四圍行下睇下, 就去第二站
第二站… 北村, 三清洞
因為早, 無乜人, 因為乜都未開, 哈哈~~~,
SAM好似好攰, 而且第一日就係-7度, 大家未習慣, 都覺得好冷, 所以無乜心機行
找了間幾靜和舒服的CAFÉ比SAM瞓下和飲茶熱朱古力暖下, 我呆下上下網都OK, 佢瞓了45MINS左右, 精神返D, 我地就四圍再行, 咁我地話找RUNNING KISSKISS 位影相, 行下行下唔記得左, 睇到有間韓屋的牛排骨好似好好味, 就入左去食, 呢間有中文和英文, 重有相, 咁就點了相片的舊石器排骨肉, 和辣年糕餃子湯
牛排骨肉, 起正.. SAMSAM旅程第2位美食
糕餃都好味, 年糕有D微辣, 但唔係韓醬的辣, 都幾特別的
因為我地都不是太肚餓, 但都食晒牛排骨肉, 真係好好味
韓屋係坐地板食飯的, 地板好暖, 坐到唔想起身
家姐話韓國好難找廁所, 所以去食飯一定要去廁所
攪掂暖, 就走啦
繼續行, 去北村, 睇風景,
因為2點幾了, 多了好多大陸團係到, 好多人, 不過佢地都算守規矩. 無推撞
但我地都係唔記得去KISS KISS 位囉
玩完, 回酒店, 因為真係攰了, 休息下再今晚去食木箱烤肉
妖, 我地走時又唔知行左去邊, 找唔到地鐵站, 要GOOGLE MAP
我地行遠左, 現在位置係近景福宮站, 行多左一個站位, 無問題
坐到地鐵咪得囉, 好快半小時回到酒店, 大約4點, 上房

房….其實OK的, 床夠大, 有電視(但無開過), 有基本用品, 浴室都OK大, 有浴缸(當然唔會浸啦) 乾淨的,
唯一問題是窗…. 望住對面大廈的OFFICE …. 無安全感, 無理由對面公司望住我地…..
我地要求換房, 唉. 佢話另一間細D得個假窗, 咁我地討論過後住返對住OFFICE的房, 最多唔開窗簾囉…

好啦, 安頓好自己, 就瞓一陣, 大約7點起身
不過起身後左攪右攪後, 8 點先出門口去食木箱烤肉”烤肉革命家”
由酒店行去15MINS內, 一條直路好易找,
烤肉革命家, 好似好得意~係SAMSAM找資料時找到的, 係用木箱烤肉, 以串燒形式, 重要係無油煙味, 又鎖到肉汁, 真係唔錯的, 店舖的裝修都好形, 重工業模式,
呢間好呀, D人識英文, 都唔差的英文, 完全溝通到, 讚~
食飽, 又係行返去, 凍住拖住手行, , 又睇到南山塔~好SWEET 呀
我地今次無去南山塔, 因為無時間, 係酒店門口都睇到架, 重好啦, 唔使爬上去~
第1日完
話時話…. 成日見人去韓國玩, 自己都心郁郁的, 原來我地都有十四年無去過了, 係時候去下,
十月無啦啦一講起就決定去馬, 訂野, 計好日子去七日$9100唔使,
住係明洞SKYPARK III, 價錢都OK AR,
零晨去夜機返, 重要12月夾到老公生日… 不過無得過聖誕, 一痴聖誕就鬼到唔想去;

訂晒後先諗起… 12月係咪好凍架?, 會唔會落雪? 不過無所謂啦冬天野我地本身有, 唔需要特別去再賣, OK的

因表妹11月又飛一轉韓國, 叫他們代兌了HK500放便由機場去市場坐車,
重問定SHOPPING大戰方式, 表妹也好詳細教了我們去邊買野, 兌錢, 有乜好食, 和最重要的退稅, 我睇書和blogger資料, 有小小睇到一舊雲咁…. 真失敗

話咁快就十二月, 睇資料越多, 越期待去,
雖然找資料期間都好多問題出現, 例如交通和食野, 因我地想去下郊區玩, 交通真係好大問題, 佢地無日本咁user-friendly, 乜都中日英韓, 韓國就只有韓文, 就算我地睇 blogger資料, 都無可能抄足都要自己做下資料收集先得; 食野, 在旅遊區當然無所謂啦, 有中文或英文, 但有些小店和傳統的店未必有, 咁點, 無計囉; 所以今次都有笑料架, 不過最後都總算用google translate 解決到一些問題, 所以今次旅程真係好順便呀~


16日~今晚要出機場啦
一放工就回家, 因為要執林沈野入喼, 沖涼, 和sam family dinner
我地要早去機場, 因為我地要拎WIFI EGG, 我地大22:30到機場, 取boarding pass, 寄行李, 大約23:00 完成, 再去取wifi egg, 都好快好方便
咁我地早d入閘啦, 入到去行下坐下, 都差不多上機了,
近這半個月,
每日也好努力回到公司做 人肉搜索器
search 電訊商月費計劃
search 搬遷有關的事項 eg.: 碎紙公司, 租水機, 迷你倉, 貨倉等等
search 老闆要的東西, eg. Google maps 找地圖不論香港或海外, 酒店,
連公司附近診所都要找
我真係覺得好增進資訊囉
咁諗應該舒服 d
近這半個月, 每日也好努力回到公司做 人肉搜索器
search 電訊商月費計劃
search 搬遷有關的事項 eg.: 碎紙公司, 租水機, 迷你倉, 貨倉等等
search 老闆要的東西, eg. Google maps 找地圖不論香港或海外, 酒店, 連公司附近診所都要找
我真係覺得好增進資訊囉
咁諗應該舒服 d
分頁: 5/81 第一頁 上頁 1 2 3 4 5 6 7 8 9 10 下頁 最後頁 [ 顯示模式: 摘要 | 清單 ]