分頁: 8/81 第一頁 上頁 3 4 5 6 7 8 9 10 11 12 下頁 最後頁 [ 顯示模式: 摘要 | 清單 ]
荷葉蒸~金針雲耳雞陳村粉

荷葉 烚軟
雞件(半隻雞) 用薑, 酒, 豉油, 糖, 胡椒粉, 生粉醃半小時
金針雲耳, 浸軟, 之後撈內已醃的雞件
陳村粉 用蠔油和麻油撈下

烚軟的荷葉墊在大碗上, 把陳村粉放底, 之後放上雞件和金針雲耳
包好及用牙籤桔住唔好開口
隔水蒸35-40分鐘
第二日啦
我 大約九點幾醒了
老公就九點半左右
我地又hea一陣
大約十一點就check out, 因為都有些肚餓

今日第一站 我地要去三盞燈 食香島咖啡室和買晶記雞仔餅
我地已找定點坐巴士去,
um... 都很成功, 巴士在香島門口有站
不過, 香島重放緊新年假無開.... 很失望
不過, 幸運地, 原來陳光記黑椒鵝有分店在香島旁邊
因見很多台灣人都會去食陳光記
我地就一於去試下啦,
叫了一碟黑椒鵝飯, 呀~~ 好味呀,
好難很samsam老公會同我爭飯食, 證明真係好好食啦
黑椒鵝汁撈入飯, 超好味 , 和深井的不同
值得一試

之後, 我地就去買晶記雞仔餅, samsam 也買了一盒杏仁餅給屋企人
買了雞仔餅, 我地無啦啦走左去行人地民居的 市集
很師奶地買了兩條浴巾, 平香港三分二呀, 香港食水好深呀
之後再四圍行下, 望下一陣坐7號巴士的站係邊先
之後就去找野食, 嘩, samsam老公好勁
找了一間很舊很舊的酒樓 四喜酒樓, 我地去了飲菜食點心
我地上了二樓,  其實唔知應該食乜, 又無介紹又無菜牌
後尾問了一位仕應, 佢話有點心的, 我好求其選了 "燒賣"
sam 揀了鳳爪和牛肉球, 佢話牛肉球個樣好舊, 應該好好食喎
是旦啦, 之後好快就有點心食
.....................燒賣, 一睇就知係切肉燒賣, 個皮重要(我估) 係自己做
不是取貨的皮, 超級好好味
鳳爪, 牛肉球都係好令人懷念的味道,
我地見咁懷舊, 就叫多個叉燒飽食, 因為老公知我好想食回憶叉燒飽
叉燒飽黎啦, 嗯, 個樣都幾好, 不過乾左小小, 味道都好食的, 但
未夠回憶叉燒飽咁好囉, 可能真係乾左
好, 食飽下樓找錢, 痴線... $60, ($14/個點心, $2/個茶位)
咩地方, 點解一個鐘船, 兩個世界, 香港 $3x/個點心, 最平都$8/個茶位)
食得太開心, 我地就回去坐巴士去荷蘭園

荷蘭園印像中無去行過, 只去過坤記食葡菜,
原來荷蘭園好靚的, 我地一邊行一邊影相, 咁又玩左個幾鐘, 呢到值得去行下
沿住條路向葡京方向, 就見到禮記, 我地去了食雪糕, 叫了花生和香芋, 一人一球
之後就繼續行, 途經大馬路果邊去十月初五街
我地要去食野, 牛記咖喱, 我地想試蟹粉撈麵
由禮記行過去大約半小時唔使,
到了, 不過..... 今日無蟹粉撈麵
我地叫了水餃和咖喱雞撈麵, 都幾好食
食完, 我地就行去十六蒲,
行下圈, 一陣坐車去碼頭, 我地坐 5:15船回香港

話咁快, 咁就完左兩日遊了

已經有幾年無去過澳門了, 今年大家都好想去玩下
最後決定 26-27/2 新年的閒日去啦, 酒店平 少少
因我上年要返工, 咁26下午 3:30船出發, 坐金光飛行
到達後, 坐星際的shuttle bus , 由星際行去酒店
我地今次都係住利澳 , 為方便, 已價錢都叫合理啦

取房後, 其實大家都有些肚餓, 我地就hea一陣
就出發去一早選定的 葡萄園 ~ 去澳門點都要食一餐葡菜啦
餐廳好近酒店, 行過去都唔係八分鐘就到
我地重要hea行

餐廳出名是乳豬飯, 當然要叫啦
重叫了出名的馬介休薯蓉和一客蕃茄湯
三樣野都很好味, 都幾驚喜的
我地由六點左右一邊食一邊吹水,
攪到大約八點半先走
好彩閒日不多人 , 如果假期
唔知會唔會叫我地走呢~

食飽後, 當然去四圍行下, 我地去永利睇吉祥樹
之後在永利門口睇了三part音樂噴泉, 重有在海皮睇風景
太休閒了, 我諗其他人一定覺得我地太無聊吧
休閒完, 都差不多十點幾, 我地就去星際玩一陣
之後又去了凱旋門玩下,

都無乜收鑊, 咁就返酒店啦...

明天去食野, 睇風景吧
韓國清酒蒸海鮮併盤
海鮮, 我選了四款: 蝦, 蟹, 蜆, 和唔知咩貝殼類的東西
清酒, 三湯匙,

蜆, 記得要吐沙, 我好怕有沙的蜆
其他照常咁洗和處理
把海鮮併靚在碟上, 淋上清酒
用鍚紙包著先去蒸, 大約蒸二十分鐘左右

用鍚紙包著去蒸是不想有倒汗水滴入海鮮盤度
我要原汁原味, 就算倒汗水都要係海鮮的水份
煎蘿蔔餅
白蘿蔔.............切絲
蝦米................切粒
葱...................切粒
麵粉................做粉漿用
五香粉..............調味 適量
胡椒粉..............調味 適量
砂糖  調味........ 小小調味用

蘿蔔絲用鹽那下待出水(約半小時左右), 之後用清水再洗, 待乾水

麵粉+五香粉+胡椒粉+砂糖+清水混合做粉漿, 不要太烯,
混合至無粉粒就加蘿蔔絲, 蝦米, 和葱粒, 再混合 (如果覺得太杰, 可加小小水浠番)
之後用半煎炸方法, 煎至兩面金黃色就可以 (記得不要整太大個餅, 要厚身小小, 如果唔係好難反)
分頁: 8/81 第一頁 上頁 3 4 5 6 7 8 9 10 11 12 下頁 最後頁 [ 顯示模式: 摘要 | 清單 ]